“Mhie, sorry kung hinila kita paalis kaagad kanina..” Malungkot na sabi sa akin ni Donnie.

Imbis na sumagot ako sa kanya ay hinawakan ko na lang ang kamay niya.

Ng makalabas kami ng mall ay agad kami bumalik sa school grounds para kunin ang motor ni Donnie at umuwi na.

Bago sumakay naman sa motor ay inakap mo muna siya.

“Dhie, don’t worry kaya ko ito.”

“Mhie, basta pag need mo help andito lang ako. Lahat gagawin ko para sa iyo.” Sabi niya sa akin habang hinihimas ang likod ng ulo ko.

“Dhie, Maraming salamat talaga.” Sabi ko sa kanya habang pinipigilan ang pagpatak ng luha ko.

Pagkatapos naman ng tagpo na iyon ay inihatid na niya ako sa bahay ko.

Habang nasa daan naman kami di ko maiwasan na maiyak at magtanong sa sarili ko.

Bakit ganito pakiramdam ko matapos makita si Argel?

Bakit masakit pa din sa akin na makita silang dalawa ni Angelica na magkasama?

Bakit ganoon na lang ang ekspresyon sa mata niya tapos niya ako makita?

Iniluha ko na lang ng tahimik ang lahat ng nararamdaman ko sa oras na iyon. Tahimik upang di na magaalala si Donnie sa akin. Alam ko din na masasaktan lamang siya kung makikita akong ganito.

Nakarating naman kami sa bahay ng maayos at bago bumaba ng motor ay inayos ko muna ang sarili ko para di niya mahalata kung ano ang ginawa ko habang bumabiyahe kami pauwi. Pinagpasya ko na din muna huwag muna intindihin ang mga bagay bagay na iyon habang kasama ko ang taong mahal ko.

Pagkalapit naman namin sa bahay ay madilim ito sa labas. Agad naman ako pumasok sa loob at hinanap ko sila Mama at ang kapatid ko pero wala sila.

“Mhie, may note dito sa refrigerator!” sigaw ni Donnie sa akin.

Daglian naman ako bumaba para makita ang sinasabi ni Donnie. Pagkarating ko naman doon ay agad niya tinuro sa akin ang naka dikit sa ref na note.

Erwin,

Umalis kami ni Xang papunta ng Bicol. Na ospital daw ang tita mo kaya daglian kami umalis ng kapatid mo. Baka magtagal kami doon ng tatlo hanggang apat na araw. Ikaw na muna ang bahala sa bahay. May enough stock ng pagkain sa ref at kusina. May pera akong iniwan sa cabinet mo. Pasama ka na din kay Donnie kung gusto mo.

P.S.

Pagbalik ko dapat may apo na ako kung sakali.

                                                                                                -Mama

Napatampal na lang ako sa noo ko sa nabasa ko at ng tumingin ako kay Donnie ay nag flash agad sa akin siya ng isang ngiti. Ngiting may laman at ibig sabihin.

“Doon ka sa sala matulog.”

“Mhie naman. Huwag naman please. ”  Angal sa akin ni Donnie na paawa effect ang itsura ng mukha.

“Mamaya na natin iyan pag usapan. Gusto ko manuod ng movie. Doon muna tayo sa sala at manuod ng DVD.”

“Sige Mhie nood na muna tayo.”

Agad naman ako nagpunta sa sala habang naka sunod siya sa akin.

Napangiti naman ako ng lihim. Dahil sa alam ko na mas matagal kong makakasama si Donnie sa araw na ito at ang idea na magkasama kaming matutulog sa iisang bubong.

Agad naman ako nagsalang sa dvd player namin ng isang romantic movie habang siya ay naupo sa sofa.

Ng nasa kalagitnaan na kami ng panood at ang eksena ay medyo cheesy na din ay napagpasyahan ko na yumakap sa kanya at idantay ang ulo ko sa balikat niya na ginantihan naman niya ng paghalik sa bumbunan ko.

“Dhie. Tabi tayo meme?” Pacute kong sabi sa kanya.

“Mhie. Sure ka?” nagtatakang balik na tanong niya sa akin.

“Ayaw mo? Sige dito ka na lang mamaya ah! Mag isa ka diyan.”

“Di po. Gusto ko. Now na?” sabi niya sa akin habang nakambang tatayo na sa kinauupuan niya.

“Hep hep hep! Hindi pa tapos pinanunuod ko. Mamaya na huwag muna excited marami tayong oras. dito ka muna paakap Dhie. Iingit ko sa kanila oh.” Sabi ko habang nakaturo sa TV at humahagikgik.

“So naiingit ka sa kanila? Di naman sila hug ah?”

Pagtingin ko naman sa TV ay tama nga naman siya. Nasa mainit na halikan ang dalawang bida sa pinapanood namin.

Nginisian ko na lang siya at ngumuso habang nakapikit. Di naman ako nagkamali at hinalikan niya ako.

Ang halikan na iyon ay naging maalab at punong puno ng pagmamahal. Halos di na kami huminga sa aming ginagawa. Ng maghiwalay naman an gaming mga labi ay automatic naman na hinanap ko ang remote ng TV at DVD Player at sabay kong napatay ito sa isang pindutan lang.

Napatingin naman sa akin si Donnie at ngumisi sa akin. Tinulak ko naman siya at nalaglag sa sofa. Habang ako naman ay parang tanga na kumaripas ng takbo papunta sa hagdanan.

“Nabitin ka? Gusto mo matuloy? Pwes Habulin mo ako Dhie!” Parang bata sabi ko sa kanya.

“Sige pag nahuli kita isang linggo ka di makakalad.” Naka ngising sabi nito sa akin habang hininimas ang likod niya dahil sa pagkakalaglag sa sofa.

Parang mga bata naman kaming dalawa na akala mo ay ngayon lang naka kawala sa kanikanilang mga hawla.

Pagkapasok naman sa kwarto ko ay agad niya ako dinamba mula sa likod at bumagsak kami sa kama. Mula sa pagkakadapa ay humarap ako sa kanya at binigyan siya ng isang mariing halik.

“dapat pala di na ako nagpahabol pa. nabitin ako eh!” natatawang sabi ko sa kanya.

Kesa sumagot siya ay isang mariing halik muli ang binigay niya sa akin. Hanggang sa namalayan ko na lang na halos na wala na pala kaming saplot na bumabalot sa katawan namin.

Naging makabuluhan ang gabing iyon.

Iyon ang gabi na naging isa kami.

Iyon ang gabi na binigay ko ang sarili ko sa taong mahal ko.

Gabi na pinatunayan ko na talagang mahal ko si Donnie.

________________________

7:00 pm Thursday

________________________

Kakatapos lang ng klase namin at naglilipit na kami ng gamit namin.

“Che, ano bago? Updates? Chika? Chenes?” sabi ni Jhepeth sa akin habang tinatapik ang likod ko.

“Oo nga friend ano bago?” Singit ni Kenji.

“Bago? Hmmmmmm! Dhie ano ba bago?” Tanong ko naman kay Donnie.

“Bago? AH! Si Mhie? Maingay yan!” Sabi ni Donnie sabay bitiw ng isang nakakalokong ngiti sa aming tatlong magkakaibigan na naka tingin at nakikinig sa kanya.

At heto nanaman ako. Umakyat nanaman sa dalawang pisngi ko ang dugo sa aking katawan. Sa sobrang pula ay pag tinusok mo ng karayom ay sisirit na ata ang kalahati ng dugo ko sa katawan ko.

“Hoy sira ka Dhie ano pinagsasabi mong maingay ako?!!” protesta ko sa sinabi ng aking nobyo.

“Kitam ano yan Mhie? Di ba maingay ka ngayon? Hahahaha!”

“Di ko ma gets….” Sabi ni Jhepeth habang nagkakamot ng ulo.

Habang si Kenji naman ay tawa ng tawa at halos mawalan na ng hininga.

“Ay ganun pala? Alam ninyo ba si Dhie? May mapa ng isang continent sa…..”

Nanlaki naman ang mata ni Donnie sa akin sa binitin kong sasabihin at ang dalawa ay nagaabang naman sa idudugtong ko.

“May mapa ng isang continent si Dhie sa bag niya.” Sabi ko sabay kuha ng binder ni Donnie na may mapa ng Europe sa likod.

Bigla naman bumagsak ang mukha ni Kenji at Jhepeth sa pagkadismaya.

Ako naman ngayon ang tawa ng tawa ng bigla akong batukan ni Jhepeth.

“Nyeta kayong mag jowa! Wala ako maintindihan sa pinagsasabi ninyo.” Naka busangot na sabi sa amin ni Jhepeth.

Imbis naman mainis ay napahagikgik ako sa pagka slow ng aking bestfriend.

“Slow…” napapahagikgik na sabi ni Kenji habang umiiwas sa amba ng panunutok sa kanya ni Jhepeth.

“Haller! Di lang ako makagets sa inyo mga impakto kayo! Kasi po ako lang ang 90% babae dito nuh!”

“90% percent? Ano yung remaining 10%?” nagtatakang sagot ni Donnie.

“90% girl sa body. 10% bakla sa pagiisip.” Taas noong sagot ni Jhepeth habang salo salo ang dalawang bukol sa dibdib niya.

“Ahhhhhh…….” Walang kakwenta kwenta naming sagot naming tatlo kay Jhepeth.

“Not interested?” buong pagtataka ni Jhepeth na tanong sa amin.

Parang sira naman kaming tatlo nila Donnie at Kenji na tumango sa kanya.

“Hay naku palibhasa mga baliko kayo kaya di ninyo ma appreciate ang ganda ng gawa ng diyos.”

“Jhepeth I love you!!” Sigaw ng classmate namin na palabas ng classroom namin.

“I love you too! Pero di kita type.” Mayabang na sagot ng babaeng bakla.

“Ok lang basta love kita!” balik sa kanya ng classmate namin bago kumaripas ng takbo sa corridor.

“Ayiiiiiiiihhhhhh! May nagkakagusto papala sa iyo amazona ka. Patulan mo na yun sayang yun. Baka wala ng dumating na iba at maburo yan. HAHAHA!” Pangaasar ko habang nakaturo sa kwan ni Jhepeth.

“Che, Gaga ka talaga. Di mabuburo yan andiyan naman si Kenji. Di ba Baby Kenji ko?” Sabi bi Jhepeth habang pumupulupot kay Kenji na parang ahas at humahalik halik sa pisngi nito.

“Friend help……” Sabi naman ni Kenji sa akin na kala mo ay tatakasan na ng ulirat dahil sa pandidiri sa ginagawa sa kanya ni Jhepeth.

“Sige bahala na kayo diyan. Maiwan na namin kayo. Mukhang gutom na itong Mhie ko at kakain muna kami sa labas.” Sabi ni Donnie na tinanguan ko lang at nginitian.

“Bye Che! Bye Friend!” naka ngisi kong paalam ko sa dalawa na nasa akto ng pilit na lampungan.

Habang palabas naman kami ng classroom ay kinawayan ko pa ang dalawa. Pababa naman ng hagdan ay biglang hinawakan ni Donnie ang kamay ko at napatingin ako sa kanya.

“Mhie, Gututom ka na di ba? Lika kain muna tayo. Ano gusto mo kainin?”

“Dhie, gusto ko ikaw.” Parang timang kong sabi sa kanya.

“Tsk! given na yun. Mamaya nay an paghimagas. So saan tayo kakain aking minamahal?”

Kinilig naman ako sa sinabi ni mokong sa akin.

“Sige Dhie sa KFC na lang tayo tagal ko na di nakakain ng chicken.”

“Kagabi lang kumain ka ng chicken. Yun ulam natin di ba?”

“Matagal na yun. Ilang oras na din kaya.” Parang bata ko na sagot habang naka pout pa ang labi at pinipisil ang kamay niya.

“ KFC sabi ng Mahal kong Mhie kaya sa KFC kami kakain.” Sabi niya sa akin sabay bitiw ng matamis na ngiti.

“Sige na. Lika na Dhie di ako mabubusog sa ngiti mo.”

Naglakad na ako habang kalakadkad ko si Donnie palabas ng school.

Pag dating naman namin sa KFC ay mabilisang akong umorder ng kung ano anong makakain at mukhang napadami ata iyon. Habang si Donnie naman ay pinaghanap ko ng pwesto namin.

“Mhie, Sure ka mauubos mo ito? Sa January pa fiesta natin ah?” tanong ni Donnie na nanlalaki ang mata sa dami ng pagkain sa harap namin.

Dalawang double down, dalawang two piece chicken meal, dalawang California maki twister, dalawang mushroom soup, dalawang bucket of fries, dalawang brownies, dalawang crushers at siyempre di mawawala ang isang platong gravy na kala mo ay sabaw ng sinigang sa dami.

“Oo naman tutulungan mo ako eh. Kaya natin ito.”

Sinimulan na namin ang pagkain at dahil sa may bandang bintana na kitang kita ang view ng school namin at ang mga kalapit na establishments at walang ibang naka pwesto doon bukod sa amin ay malaya kaming naglalabingan at nagkukulitan habang kumakain andiyan yung magsusubuan at pupunasan ang bibig ng isat isa kapag may dumaplis na pagkain.

Hindi naman namin naubos ang pagkain na inorder ko kaya pina takeout ko na lang ito. Inshort naging takaw mata lang ako.

“Dhie mag 9pm na. Uwi na tayo. Doon ka pa din matututlog sa bahay. Wala sila mama pa eh. Itong dala ko lagay natin sa ref para may almusal bukas.” Sabi ko habang palabas kami ng KFC.

Tango, ngiti at halik sa kamay lang ang sinagot sa akin ni Donnie.

Paglabas naman namin ng mall ay agad naman siyang tumawag ng taxi dahil di niya dala ang motor niya. Pagkasakay naman namin sa taxi ay sinabi niya agad kung saan ang destinasyon namin sa driver.

At ng makarating naman kami sa bahay ay may napansin akong pamilyar na taong naka tayo sa may malapit  at nakatingala sa bahay namin.

“Si Argel…” mahinang usal ko at napatingin ako kay Donnie.

Itutuloy.

Pauna: Nakabalik din 4 na araw akong sunod sunod na may Event kaya putol putol sa pagsusulat. Eto na po ang Chapter 9 ang Side ni Argel.

Kuya Jeffy - Babalik ka na sa pagsusualat sa blog mo ulit. I'll wait for your new work na iiyakan nanaman namin.

Rue - Ayan binati kita kasi pinakilig mo ako kagabi. hahahaha!

Krane Daft AKA Jay - Ayan may bati ka din. lakas mo mambuyo kagabi kasi. As usual sasabihan pa din kita na ASA ka kay JK.


Kenji and Vincy - I really miss you both na.

Sa lahat ng nag Comment, nag hihintay ng update at nag pipilit na bilisan ko ang update, nakakachat ko sa kung saan saan na blog at kasama na din ang mga Anonymous at silent readers. Lalahatin ko na po kayo dahil sa inaantok na ako sa oras na ito habang nag popost ako.  SALAMAT PO!





Kiss The Rain

Chapter 9 (Revelations)

____________________________________________

Erwin Joseph Fernandez

____________________________________________

Isang buwan na ang lumipas at ngauon ang monthsary namin ni Donnie.

Sa isang buwan na iyon ay naging masaya ang pagsasama namin. Masaya kasama kasi si Donnie. Di nauubusan ng sorpresa. Maalaga at maalalahanin. Higit sa lahat ay pinapakita niyang mahal niya talaga ako.

Madali nalimot ng puso ko paano tumibok para kay Argel ng ganitong kabilis salamat sa kanya. Sabi nga ni Jhepeth si Donnie ang “Wonder Drug” ko. Mabilis ang tama!

Kung sa una pa nga langsa kanya ako na inlove agad. Siguro hindi kami dumaan sa ganoong gulo. Pero look at us now. Heto at masaya.

As for Argel. Simula ng gabing iyon ay wala na akong balita sa kanya. Hindi matawagan o text, burado ang facebook account, maski si Jhepeth at Kenji ay din a rin alam nangyari sa kanya pagkatapos ng gabing iyon.

“Mr. Fernandez, is your mind pre occupied by something else other than what am I teaching here?” pagtawag ng pansin sa akin ng prof. kong mataray na nahuli akong nagiisip ng kung ano ano sa gitna ng klase niya.

“Ah…… Eh……” Ang tangi kong nasagot ko sa kanya dahil na din sa pagkabigla.

“Ok. Sige making ka na at lagyan mo ng angkla ang isip para di lumilipad kung saan saan.” Mataray na sabi sa akin ng prof. ko.

Nakahinga naman ako ng maluwag dahil akala ko ay raratratin ako ng pangaral ng prof. kong ito.

Nakinig naman na ako sa kanya pero nabaling nanaman ang atensyon ko sa iba ng may kumalabit sa tagiliran ko.

“Mhie ok ka lang ba?” bulong ni Donnie sa akin.

“Opo Dhie. May naisip lang.” bulong ko pabalik sa kanya.

Maynarinig naman ako mahinang hagikgik sa likod ko.

“Mhie yung dalawa pinagtatawanan ka.” Sumbong ni Donnie sa akin.

“Mamaya sa akin yang pagkatapos ng klase natin.”

Itinuon ko naman ang atensyon ko na sa pagtuturo ng prof. ko.

Pagkatapos naman ng isang oras ay natapos ang kaisaisang klase namin sa araw na iyon.

Pagkapaalam at pagkalabas ng prof. namin ay tumalikod ako kaagad ako.

“Pinagtatawanan ninyo ako kanina ah!” parang siga kong sabi kay Jhepeth at Kenji.

“Natuwa lang kami. Kasi kanina habang nagiisip ka naka bukas yung bibig mo. Parang susubo ka ng kwan sa itsura mo.” Humagagikgik na sabi ni Jhepeth  na nakipag apir pa kay Kenji.

“Ewan. Bahala kayo sa buhay ninyo.” Banas kong sagot. Totoo naman kasi na madalas pag malalim ang iniisip ko ay naka nganga ako ng di ko namamalayan.

“Dhie Halika na nga. Sa sm na tyo.” Aya k okay Donnie para makaalis na kami.

“Ano gagawin ninyo doon?” Tanong ni Kenji.

“Mag Check in! Matutulog! Maglalaba!” Pangaasar na sagot ko sa kanya.

“Friend Use this baka maka discount kayo.” Sabi niya sa akin habang inaabot ang SM Advantage card na naka ngisi.

Wala akong panalo sa araw na iyon sa pangaasar ng dalawa sa akin kaya lmuabas na lang ako ng classroom asar na asar. Habang karay karay ko si Donnie.

“Che, Pasalubong na lang sa amin ni Kenji. Happy Monthsary!” Sigaw ni Jhepeth na naka dungaw sa pinto ng classroom namin.

 “Mhie wala kang panalo ngayon sa dalawa ata.” Natatawang sabi sa akin ni Donnie.

Tinaasan ko lang ng kilay ito sa sinabi niya. Tinaas lang nito ang dalawang kamay niya. Pahiwatig na suko siya.

“Pero sa Mhie ko suko ako. Kasi love na love ko kita.” Sabi niya sa akin habang nagpapacharming pa.

“Bolero!” sabi ko sa kanya sabay takbo pababa sa hagdanan para hindi niya makita na kinikilig ako sa sinabi niya.

Hinabol naman niya ako pababa ng hagdan hanggang sa entrance ng school namin.

“Mhie bagalan mo naman. Parang runner ka naman tumakbo. Ang bilis bilis mo.” Humihingal na sabi niya sa akin.

“Ikaw itong mahaba ang biyas sa ating dalawa pero ang bala mo pala Dhie.” Pagmamayabang ko habang lumalapit sa kanya.

Ng makalapit naman ako sa kanya ay niyakap ako nito. Di naman ako makapala dahil na lock niya ang dalwang braso ko sa tagiliran ko.

“Huli ka!” sabi niya sa akin na naka ngisi at malapit ang mukha sa mukha ko.

“Ayun. Magaling umarte talaga. Dapat nasa teatro ka natin. Sa Star club.”

Naglingon lingon naman ako sa mga tao sa paligid namin at di ako nagkamali karamihan nito ay nakatitig sa amin. May mga naka ngiti, may nagbubulungan, may isang grupo ng mga durog na paminta na kinikilig at syempre di mawawa ang haters.

Ngumuso naman ako kay Donnie para ituro na may mga nakatingin na mga mata sa amin.

“Kiss Mhie?” natatawang sabi nito.

“Sira! Hindi. Dhie marami naka tingin.”

Nag palingon lingon din si Donnie at pagbalik ng tingin nito sa akin ay binitawan ako nito at inakbayan habang naka ngisi.

“Mga schoolmates MISIS ko pala!” Sigaw niya sa mga kapwa namin nagaaral doon na naka tingin sa amin sabay lakad namin dalawa.

Naginit naman ang pisngi ko sa pangyayari na iyon. Feeling ko sa sobrang pamumula ng pisngi ko ay magpapasa na ito ng automatic.

May mga nakasalubong kami sa mga nakatingin sa amin kanina at halo halo ang narinig ko. May nag congratulate. May ang daw namin na couple. May saying daw kami. At mayroon din na paghihiwalayin daw kaming dalawa at tig-isa daw silang magkaibigan sa amin.

Pero iisa lang ang sagot sa kanilang lahat ni Donnie. “Thank you!”

Nakarating naman kami sa SM pero may mga mangilan ngilan pa din na tumitingin sa amin pero dedma na lang kami.

Sa loob nmana ng mall na iyon habang naglilibot kami ay tumunog ng sabay a gaming tiyan.

Nagkatinginan kami at ngitian.

“Gutom na ko Mhie.” Sabi niya sa akin habang nagkakamot ng ulo.

“Ako din kanina pa po. Kain na tayo dhie.” Malambing kong sabi sa kanya.

“Wow! Ang cute naman ng Mhie ko. Gawin mo nga ulit iyon?”

“Mamaya pag busog na ako.” Sabi ko sabay tawa.

“Lika na nga bubusugin kita.”

Pagkasabi niya niyon ay bumakas sa mukha niya ang isang nakakalokong ngiti at may pakagat kagat pa ng labi.

“Loko!” Sabi ko at marahang tinapik ang noo niya.

Nagpunta na kami sa Pizzahut para mag dinner na. Sa loob nito ay madali kaming nakahanap ng table dahil sa isang couple at isang oamilya lamang ang kumakain ditto. In short dalawang table lang occupied. Magkatabi kami kaming naupo ni Donnie.

Sa ilalim ng table naman ay magkahawak ang kamay naming dalwa habang tumitingin sa iisang menu book.

Maya maya pa ay dumating na an gaming personal waiter. Gwapo at matipunong lalaki pero halata sa pagtingin nito sa amin na may bahid din ito.

“Hi sir! I’m your personal waiter. Can I please take your orders now?” Tanong nito sa amin.

“one family sized sausage pops bbq ribs pizza, aglio olio pasta at vanilla smoothie and ito ang palm card ko paki box na lang yung isang free pizza.” Sabi ni Donnie na halatang gutom na.

“How about you cutie?” sabi ng server namin na ikinakunot ng noo ni Donnie.

Ang loko naman ay itinaas ang kamay naming magkahawak sa harap ng lalaki at binigyan ako ng halik sa pisngi.

“Misis ko iyan.” Sabi niya sa lalaki sabay bitiw ng nakakaloko na ngiti.

Napailing at napangiti na lang ako sa ginawa nito.

“Loko to mukhang bakod na bakod na ako ditto.” Sabi ko sa sarili ko.

“Bolognese spaghetti with meatballs and strawberry smoothie for me.” Sabi ko sa server.

“ok got it. Please wait for 15 mins na lang po.” Sabi ng waiter habanghabang napakamot sa ulo.

Ng makaalis ang server ay humagikgik si Donnie. Matamis na panalo siguro ang nararamdaman niya ngayon.

Habang hinihintay naman ang order namin ay kung ano ano ang pinagusapan namin. School, bahay, politics, atfuture namin na as if naman na alam namin mangyayari sa hinaharap.

Ng dumating ang order namin ay kumain na kami. Ang mokong naman ay sinusubuan pa ako ng pagkain niya at syempre ako naman ay sinusubuan din siya. Napansin ko naman na nakatingin sa amin ang waiter kanina.

“Mamatay ka sa inggit.” Pilyo kong sabi sa isip ko.

Matapos kami kumain ay nag bill out na kaming kumain ay nag bill out na kami. Parang timang naman kaming dalawa na nagaagawan sa bill. Sa kung sino ang magbabayd. Sa huli ay suko ako sa kakulitan niya kaya siya na lang ang nagbayad ng bill namin.

Pagkalabas namin sa pizzahut ay nag ikot ikot na muna kami sa mall.

“Dhie, maaga pa. watch tayo movie. Ako naman taya at pag pumalag ka.” Sabi ko sabay senyas ng guhit sa leeg na ikinatawa lang niya.

“Sige po Mahal na  Mhie ko nuod tayo.” Sabi niya sabay taas baba ng dalawang kamay niya na parang sinasamba ako.

Naglakad kami patungo sa sinehan na nasa 3^rd floor ng mall at ng malapit na kami sa sinehan ay may nakita akong isang pamilyar na tao. Sa sobrang pamilyar ay nagiwan ito ng sugat sa puso at ego ko.
 
Si Argel kasama ang girlfriend nitong si Angelica.

____________________________________________

Argel Joseph Francisco

____________________________________________

3 buwan na ang dumaan at masaya kong nililigawan si EJ. Oo masaya dahil ramdam kong lamang ako kay Donnie. Ramdam ko din na may pagtingin na din si EJ sa akin. Konting kabig na lang ay pwedeng kami na.

Nasa malalim akong pagiisip sa bakuran ng bahay namin ng tumunog ang cellphone ko. Nakatangap ako ng isang text kay Jhepeth. Inaaya ako nitong sumama sa lakad nila. Pre birthday party ni EJ.

“Sige I’ll be there. Di ko siya masusundomagkikita kami ni Mom sa mall kaya mauna na kayo.” Sagot ko sa text ni Jhepeth sa akin.

Tumayo na ako sa bench na kinauupuan ko at nagpunta na sa kwarto ko at direcho sa CR nito para magsimulang mag ayos na.

“I should buy a gift for EJ first before meeting up with Mommy.” Sabi ko sa sarili ko habang naliligo.

Ng natapos na akong mag ayos at nasiguradong gwapo na ako ay nag drive na ako papunta sa trinoma kung saan kami magkikita ni Mommy.

Nakarating naman ako sa trinoma agad dahil sa mga shortcut na dinaanan ko.

Pagkapark ay pumasok ako agad sa loob ng mall.

Habang naghahanap at nagiisip ng kung ano ang ibibigay kay EJ ay napadaan ako sa isang boutique na puro stuff toys ang laman.

“Ang babae matutuwa sa flowers…..  Si EJ……  Sige na nga stuff toy na lang…” sa isip ko.

Pagkapasok ko sa boutique ay nakita ko agad ang isang malaking teddy bear na kulay gray na may heart patch sa dibdib. Walang pagdadalawang isip kong binili agad ito.

Dinala ko muna ang teddy bear na nabili at iniupo ko sa back seat ng kotse ko bago makipag kita kay Mommy.

Ng makabalik na ako sa loob ng mall ay tinawagan ko na ang Mommy ko para malaman kung nasaan siya. Agad naman niya sinagot at sinabing nasa may Sbarro sila at binaba ang tawag ko.

“Sila?” sabi ko na nagtataka sa cellphone ko pagkababa ng tawag sa akin ni mommy.

Pagkadating ko naman doon ay agad kong nakita si mommy na may kasamang magandang babae na naka black dress.

“Hijo andito ka nap ala. Meet Angelica. Siya ang anak ng business partner ng daddy mo.” Bati at pakilala ni mommy sa akin sa babae.

“Hi handsome. I’m Angelica Samonte. Call me angel na lang.” Sabi nito sa akin habang inilalahad ang kamay sa harap ko.

Inabot ko naman ang kamay niya at nakipag shake hands dito.

“I’m Argel Joseph Francisco.” Sabi ko kasama ang isang matipid na ngiti.

Kumain muna kaming tatlo habang nagkwekwentuhan ng kung ano ano at ng matapos na kami kumain ay tinignan ni mommy si Angelica.

“Hija can you please leave us muna ng sandali? I want to talk with Argel.” Sabi ni Mommy kay Angelica.

Agad naman sumunod sa pakiusap ni Mommy si Angelica at umalis muna ito.

“Hijo din a ako magpapaligoy ligoy pa. ang kumpanya na hawak ng daddy mo ay nalulugi na.” sabi ni mommy sa akin sa seryosong tono.

Tango lang ang sinagot ko kay mommy.

“ang dad ni Angelica ay ang business partner ng daddy mo. At binili nito ang malaking parte ng share ng daddy mo at maaring mawala ang kumpanya sa atin.”

Tango lang ako ulit.

“Isa lang ang naisip ng daddy mo na paraan para di tayo mawala ng taluyan sa kumpanya na pinaghirapan din niya. At iyon ay ang ipagkasundo ka kay Angelica. Ayo slang naman ito sa dad ni Angelica kaya pumayag na din ako.” Sabi ni Mommy.

Parang pinalo ako ng dulo ng baril sa huling sinabi ni mommy sa akin.

“Mommy! Di naman pwede iyon. You and daddy are just making decisions on your own na ganoon kabilis. Lalo na ako pa involved doon.” Mariing sabi ko.

“Argel, para sa ikakabuti naman nating lahat ito.”

“No mommy. Para sa inyo lang ni daddy ito.”

“Saka I’m Inlove with someone right now at nililigawan ko na for three months.”

“Itigil mo ang panliligaw sa kung sino man iyon at si Angelica na lang ang pagtuunan mo ng pansin kung ayaw mo mawala lahat ng tinatamasa mong karangyaan dahil sa kahunghangan mo.” Sabi ni mommy na nagsisismulang magalit na sa akin.

“No! ayoko di ko gagawin lahat ng gusto ninyo.” Sabi ko sabay tayo sa kinauupuan ko at lalabas na sa lugar na iyon.

Napailing na lang sa akin si mommy.

Akmang palabas na ako sa Sbarro ay sakto namang pasok ni Angelica dito.

“So hows my new boyfriend?” naka ngiti nitong sabi sa akin habang ang daliri ay pinaiikot sa dibdib ko.

“I’m not your boyfriend.” Sabi ko sa kanya . sabay tabig para makadaan ako.

“ I like rough guys! Bye babe!” sabi nito sa akin ng makalayo na ako ng ilang hakbang.

Pagkarating ko sa parking lot ay agad kong pinaandar ang kotse ko at umalis sa lugar na iyon.

“Damn it! Bakit ba sila gumagawa ng desisyon  na ako ang involved pero di ko alam.” Galit kong sabi habang hinahampas ang manibela sa harap ko.

Habang papalapit ako sa lugar na pagkikitaan namin ay pilit kong iwinaksi sa aking isipan ang mga pangyayari kanina at maging normal lang.

Pagdating ko sa pagkikitaan namin ay sakto  naman nag ring ang cellphone ko. Si Jhepeth tumatawag.

Sinabihan ko sila na nasa parking lot ako.  Wala pang ilang minuto ay nahanap nila ako agad. Nasa kabilang street silang dalawa ni Kenji at kumakaway sa akin.

“Papa Argel!” Sigaw ni Jhepeth habang papalapit sa akin.

Pagkalapit naman nitoay agad bumeso sa akin.

“Yo!” bati ni Kenji sa akin pagkatingin ko sa kanya.

“Papa Argel you look dazzling today!” sabi ni Jhepeth at parang kumakapkap sa akin naparang lady guards sa mall.

Nagtaka naman ako bakit di nila kasama si EJ.Nalaman ko na sinundo pala ito ni Donnie ayon kay Kenji.

Sa nalaman ko na iyon ay napasibangot naman ako bigla.

“Papa Argel huwag ka babagal bagal. Sige ka maungusan ka ni Donnie.” Humahagik na sabi ni Jhepeth.

Isang buntong hininga lang ang sinagot ko sa babaeng nasa harap ko at iniis ako.

Nag daldalan at tawanan kami habang hinihintay si EJ. Si Kenji naman ay nasa isang sulok at busy na naglalaro ng games sa cellphone niya.

Maya maya pa ay may tumigil na motor sa harap namin. Nakayakap ang nassa likod ng nagmamaneho ng motor.

Bumaba ang nakaangkas at pagkaalis ng helmet nito ay bumungad sa akin ang mukha ni EJ na binigyan agad kami ng isang matamis na ngiti.

Bigla naman ako nainggit ako kay Donnie. Dahil di ko man lang magawang makatikim ng yakap mula kay EJ. Isama mo na doon na naunahan niya akong halikan ito sa labi kahit di sinasadya.

Habang nagiisip ako ay nagkulitan naman sila EJ at Jhepeth. Hanggang sa nagyaya na na pumasok si EJ saloob ng bar.

Naalala ko naman na bibigay kop ala ang teddy bear sa kanya. Kaya agad ko siya pinigilan at kinuha ang teddy bear sa back seat. Kitang kita sa mata niya ang tuwa ng binigay ko sa kanya ito. Parang bata na nagbukas ng regalo sa pasko at ang pinaka gusto niyang bagay ang nakuha niya.

Pinabalik niya ang teddy bear sa kotse at kukunin na lang daw niya paguwi.

Tinawag pa siya ng BILAT ni Jhepeth. Seriously di ko alam kung anon gang meaning niyon.

Sa loob ng bar pagkapasok namin at pagkaupo ay agad ako tumabi kay EJ pero ganoon din ang ginawa ni Donnie.

No choice. Alangan magalit ako. Di naman kami ni EJ pa. kaya dinaan ko na lang sa pag inom ng alak.

Ng dumami na ang tao sa loob ng bar ay gumanda na din ang tugtog na pinapatugtog ng DJ.

Nagaya si Jhepeth na sumayaw at pumayag naman si Kenji at EJ dito.

Inaya naman ako ni EJ para sumayaw. Pero humindi na lang ako. Dahil parang wala pa ako sa mood dahil sa nangyari kanina kaya nagpalusot na lang ako na tatao sa lugar namin.

Inaya naman niya si Donnie dahil di ako sumama sa kanya at agad ito naman sumama sa kanya.

Sa dami ng tao sa bar ay agad sila nilamon ng crowd at nawala sa paningin ko.

Hindi ko na lang inisip kungano ang pinag gagawa ta itsura nilang dalawa ni Donnie. Dinaan ko na lang sa pag inom ang lahat.

Maya maya pa ay tumigil ang music at may emcee na nag announce ng isang contest.

Bigla naman lumitaw si Jhepeth kasama si Kenji sa gilid ko.

“Argel Sumali ka daw sabi ni Erwin.” May autoridad na sabi nito sa akin.

“Huh?! Ako?!”

“Hindi. Yung katabi mo na bote pagsayawin mo doon sa stage.” Mapangasar na sabi ni Jhepeth.

“Sumali ka. Kasali si Donnie. Bahala ka makukuha ni Donnie ang malaking pogi points.” Pagpapatuloy nito.

Sa sinabi naman ni Jhepeth ay napaiisip ako. Tama nga naman siya. Kung sakali na ako ang manalo ay pogi points nga naman ito para kay EJ.

“Sige!” sabi ko kayJjhepeth  at tumayo na ako sa kinauupuan ko.

Pagkadating naman namin sa stage ay agad ako isinali ni Jhepeth at kasunod namin si Donnie.

“Ok let’s start the dougie battle!” sabi ng emcee.

At isa isa ng nasyawa ang mga contestants. Ng ako na ang sasayaw ay medyo nahiya pa ako. Pero ng tinawag na ako ni EJ ay nawala ang hiya ko.

“This is it!” sabi ko sa sarili ko.

Sumayaw na ako at sinamahan ko na din ng pagpapacute para makuha ang atensiyon ng audience at siyempre para kay EJ na din.

“Look like we got a cute guy showing his moves here.” Sabi ng emcee na nakatitig sa akin.

“Hoy Kay Bestfriend ko na iyan. Malanding Beki!” Sigaw ni Jhepeth na nagpatawa sa akin.

Ng matapos ako ay si Donnie ang sumunod. Wild na nagsayaw si Donnie sa stage. Topless ito at kita at rinig ko ang hiyawan ng mga tao sa bar.

“Dehado!” sabi ko at napa hawak ako sa mukha ko.

Di nga ako nagkamali at si Donnie ang nanalo pagkatapos ng contest.

Dismayado naman akong bumalik sa lamesa namin kasama sila.

Ipinagpatuloy namin ang inuman doon.

Maya maya pa ay may lumapit sa amin na babae. Si Angelica.

Sa pagkakita ko sa kanya ay parang gusto ko takasan ng ulirat.

“Ano ang ginagawa ng babae na ito dito?!” Sigaw ng isip ko.

“Hi Babe! Gigimik ka din pala dito di mo sinabi sa akin kanina habang nasa mall tayo. Saw you kanina sa stage ang galing mo sumayaw.” Sabi nito na nasa harap ko na ngayon at parang ahas na pumulupot sa kaliwang braso ko.

“Excuse me miss sino po sila?” biglang tanong ni Jhepeth.

“Oh sorry for my rude manners. I’m Angelica.” Pakilala niya sa kanila.

“And how are you affliated to Argel?” tanong ulit ni Jhepeth.

“I’m His Girlfriend.” Proud na sabi nito at hinalikan ako.

Nanlaki ang mata ko sa ginawa ni Angelica. Nawalan ng lakas ang aking mga bisig at wala ni isa sa hibla ng muscles ko ang gumalaw sa sandali na iyon. Totally nawalan ako ng lakas.

“Ang ganda pala ng nanay mo at ang sweet ninyo.” Galit na sabi ni EJ.

“It’s a Kissing game pala. Multiplayer ata ito pasali ha!” Sabi niya.

Pagkatapos naman ako halikan ni Angelica ay nakita kong naghahalikan si EJ at Donnie sa harap ko.

Di ko mapaliwanag kung ano ang nararamdaman ko. Ang alam ko lang ay nanlulumo ako sa nakikita ko.

Ng maghiwalay ang labi nila ay napatingin ako kay Angelica at naka tingin ito ng Direcho sa kanila.

“Babe hindi ko alam that you have hot gay friends na medto di ata makapagpigil.” Taas kilay na sabi nito.

Agad na umalis si EJ sa harap namin pagkasabi ni Angelica ng mga salitang iyon.

Agad  naman ding sinundan nila Donnie, Jhepeth at Kenji si EJ.

Gusto ko man sundan si Ej ay parang napako ako sa kinauupuan ko.

“Bakit galit yung baklang iyon.” Nagtatakang tanong ni Angelica sa akin.

Doon na nagsimulang umakyat ang dugo ko sa ulo ko.

“Anong pinaggawa mo dito at bakit mo sinabi na girlfriend kita at hinalikan mo pa ako?!” sunod sunod na pagigaw na tanong ko kay Angelica.

“It’s Pure coincidence na nagkita tayo dito. Di ba BF naman kita ayon na din sa Mommy mo. Saka sample lang. gusto ko tikman labi mo.” Malandi na sabi sa akin nito.

Nagdilim naman ang paningin ko at automatic namang gumalaw ang kamay ko at inambahan ko ng suntok si Angelica sa narinig ko. Tumili naman si Angelica kaya bumalik ang wisyo ko.

Nagkaroon naman ako ng lakas sa pagkakataon na iyon na tumayo at lumabas ng bar.

Pilit kong hinanap si EJ.

Sa aking paghahanap ay nakita ko si EJ at Donnie na nasa sulok ng Parking Lot at naghahalikan ulit.

Itutuloy.