Kiss the rain
Chapter 4 (Masked Rider?)

Erwin Joseph Fernandez

“Bakit? May mali ba?” Buong pagtataka ko na sabi sa kanila.

“You look Freakin good!” sabi ni Kenji.

“Subarashiiiiiiiiiiiiii!! (Wonderful)” Tili ni Jhepeth

Napa buntong hininga na lang ako sa sinabi ng dalawa.

“Ewin, try mo suot pa ito.” Isang korona , scepter at isang pares ng medyas at sapatos na puti din inabot niya sa akin.

Agad ko naman sinuot ang mga binigay niya sa akin.

“Ayan Che, mukha ka ng prinsipe. Konting muk-ap na lang. tuwang tuwang na si Jhepeth.

“Ok Ready na lahat para sa lunes.” Sabi ko.

Tumango naman silang dalawa at ngumiti.

Doon na naghapunan ang dalawa sa bahay namin.

Masaya naman kami nag kwentuhan habang kumakain. Habang si Kenji naman ay medyo ilag sa kapatid ko dahil daw sa medyo masama tingin sa kanya.


“Gusto ka niyan kaya ganyan yan makatingin.” Bulong ko kay Kenji.

“Friend, ang weird ng kapatid mo. Madilim ang aura.” Bulong din niya sa akin.

Nasa ganun kaming pagbubulungan ng tumunog ang cellphone ko.

Si Donnie Tumatawag.

“Hello Donnie?” pag sagot ko sa Cellphone ko.

“Hello EJ! Kamusta ka?”

“Ito ok naman. Having dinner with Kenji and Jhepeth dito sa bahay”

“Nice! Ready ka na ba bukas?”

“Yup. Eh ikaw ok ka na ba?”

“Oo naman. May nahiram na ako na costume. Sige kita na lang tayo sa school bukas. Bye EJ ko.” Paalam niya sa akin.

Binaba niya agad ang tawag niya sa akin.

“EJ ko?! Wow!” nasabi ko sa cellphone ko habang pabalik sa hapag kainan.

Pagbalik ko naman ay nakita ko silang masayang nag kwentuhan habang kumakain.

Patingin ko sa kapatid ko ay naka titig pa rin na walang emosyon  ito sa kaibigan kong si Kenji.

“Xang (Rizza name pala ng kapatid ko. Pero Xang ang nick niya salamat kay Jhepeth.) baka matunaw yan.”

“Kuya gusto ko siya. Pwede siya na lang boyfriend ko?”  sagot niya sa akin habang di inaalis ng tingin niya kay Kenji.

Lahat naman ay bigla natigil sa pag kain at kwentuhan sa sinabi ng kapatid ko.

Kita ko ang pag guhit ng ngiti sa mukha ng kapatid ko at pagkabigla naman kay Kenji, Jhepeth at Mama.

“Xang, anak mapagbiro ka talaga…” Si Mama.

“Mama, Gusto ko siya talaga.”

Tahimik ang lahat at walang nangahas magsalita.

Kitang kita sa mata ni Mama na humihingi na ito ng tulong sa amin.

“Xang, di na pwede. Boyfriend ko si Kenji.”  Biglang salita ni Jhepeth.

“O-o-oo! Girlfriend ko si Jhepeth.” Pag sangayon ni Kenji.

Nakahinga na sana kami ng maluwag ng…..

“Sige nga kung GF mo siya kiss mo siya.” Naka ngiting sabi ng aking kapatid.

Nagkatinginan kami ni Kenji at kita sa mata nito na nanghihingi na din ito ng tulong sa akin at ng baling ko naman ang tingin ko kay Jhepeth ay naka ngiti ito. Habang si Mama naman ay clueless sa nangyayari.

No choice na. Kinalabit ko si Kenji at tumango na lang ako. Pero pinipigilan ko na lang ang pagtawa ko sa pagkakataon na iyon.

Wala na din nagawa si Kenji para maka lusot sa pagkakataon na iyon.

Hinalikan niya si Jhepeth sa pisngi.

“Hindi sa pisngi. Sa lips gusto ko makita.” Ngising sabi ng kapatid ko.

Tumango na lang ulit ako.

“Sige na Friend isang mabilis na smack lang.” pigil na pigil na tawa kong sabi sa kanya.

Napapikit na lang si Kenji sa gagawin niya kay Jhepeth sa oras na iyon. Si Jhepeth naman ay aakalain mo na nanalo sa lotto ang expression ng mukha.



Jhan Elspeth Lucena



“Yes! Eto na ang katuparan ng aking mga pangarap.” Sa isip isip ko.

Ngumuso ako upang ihanda ang aking sarili sa paglanding ng magagandang labi ni Kenji sa akin.

At sa isang iglap at nagtapo ang mga labi namin.

Iyon na ata ang pinaka magandang nangyari sa buhay ko bukod sa pagkapanganak ng magulang ko sa akin.

Parang nagbabaan din ang mga nilalang sa langit sa oras na iyon at nag situgtugan ng kanilang mga trumpeta.

Natapos ako sa  paglasap ng sandal na iyon ng duruin ni Erwin ang noo ko.

“Peth, Mukha ka pala octopus pag naka nguso ka. Hahahahaha! “ sabi niya sa akin na halos Makita na ang utak sa kakatawa.

Napansin ko naman na wala si Kenji na sa aking tabi pagtapos ng nangyari.

“Nasaan po si Kenji?” Tanong ko sa Mama ni Erwin.

“Hayun kumaripas ng takbo papunta sa kusina.” Natatawa na ding sagot ng Mama ng best friend ko.

Tumayo naman kami ng sabay ni Erwin para puntahan si Kenji sa kusina at nakita namin ito na nasa harap ng lababo na nagmumumog at ng lumingon sa pwesto namin ay tumingin ng pagkatalim talim na akala mo ay pwede na ako hiwain ng mga iyon.

“Ewin, Friend may mouth wash ba kayo? Pagamit ako.” tanong niya ng pagtingin niya kay Erwin.

Tumuro lang si Erwin papunta sa kwarto niya at agad naman kumaripas ng takbo si Kenji  papunta doon.

Pagkawala ni Kenji  sa aming mga paningin ay humagalpak kami ni Erwin sa kakatawa dahil sa kinikilos ni Kenji. Pero after noon ay biglang naging seryoso ang mukha ni Erwin.

“Bakit?” Tanong ko sa kanya.

“Alam ko pakana mo ito. Kumanta ka na.”

“O-o-o-o-o-o! ahhhhhhhhhhkhhhhoooooooo ang may pakana nithoooo ow ow ow!” Sarcastic na sagot ko sa kanya.

“Sabi na nga ba eh! Ang galing mo ah! Paano mo nauto kapatid ko?” tanong niya sa akin.

“Simple! Sabi ko bibigyan ko siya ng 100 pesos saka isang libro ng ghost stories.” Sagot ko na naka ngisi.

“Ang galing mo!” sabi niya sa akin na naka ngisi din at naka thumbs up sign pa.

Tawanan kami ulit kaming dalawa.

Natigil lang iyon ng marinig namin ang mga yabang ni Kenji na pababa ng hagdanan.

Pagkababa naman niya sa huling baitang ay bigla ito nag litany sa akin.

“Nilapastangan mo ang aking pagkatao!” mangiyak ngiyak na sabi nito sa akin.

Nilapitan naman ito ni Erwin at binigyan ng isang mahinang batok.

At biglang natawa na lang si Kenji.

“Naka Score ka sa akin Jhepeth ah! Gagantihan kita antay ka lang.” natatawa niyang pagbabata sa akin.

Bumalik naman kaming tatlo sa hapagkainan para tulungan si Mama sa pagliligpit nito.

Ng natapos namin ligpitin at hugasan ang mga pinagkainan namin ay nagpaalam na din kami ni Kenji sa Mama ni Erwin na uuwi na.

“Bukas ha! Dito na kayo mag bihis ni Kenji sa bahay para sabay saby na tayo pag punta sa school bukas.” Sabi ni Erwin sa amin ni Kenji.

Bago naman kami umalis ay pinuntahan ko naman ang kapatid ni Erwin.

Inabot ko ang mga pinangako ko sa kanya.

“Maganda ka naman pala kausap eh.” Sabi ng kapatid ko sa kanya.

“Basta sa uulitin ha!” Naka ngiti na sabi ko sa kanya.

“Oo. Yun lang pala. Dami dami mo papatulan kalahi pa ni kuya.” Sabay talikod paalis ng aking kapatid.

“Ay. Kalokang bata itey!” Tanging nasabi ko na lang….


Kenji Oya



2:00pm kinabukasan ay nasa bahay na kami nila Ewin at nag aayos na ng mga sarili.

Si Jhepeth ay napaka tagal sa harap ng salamin. Di namin malaman kung ano anong kulurete ang pinapahid sa mukha niya.

Si Ewin naman ay regal na regal ang itsura sa costume niya na animo ay isang prinsipe na galing sa ibang bansa.

Samantala ako naman ay nagsuot ng “cat ears” na kulay itim, semi fit na puting sailor shirt, puting shorts na hanggang tuhod na may itim na buntot ng pusa sa likod at doll shoes.

“Ayan tapos na!”  sabi ni Jhepeth sa likod namin ni Ewin.

Pag harap namin ay hindi namin na inaasahan na magiging ganoon kaganda si jhepeth sa suot niya.

Naka pigtails ang buhok niya at malaking putting ribbon na nasa magkabilang tali nito.

Ang suot naman niya ay puti at itim na dress na maraming ruffles at may detail ng mga korona, knee high socks na kulay itim ay puti na doll shoes.

“Peth, Ikaw ba iyan?” sabi ni Ewin sa kanya.

“Naman! Ganda ko nuh?! Ay in trend ba ang doll shoes ngayon?” pagbuhat niya ng sariling bangko at pag puna sa mga sapatos namin.

Nagtawanan na lang kami sa pagpansin na tama nga ang sinabi ni Jhepeth.



4:00pm

Nasa school na kami at umakyat muna sa classroom namin para makapag retouch ng makeup si Jhepeth at malagyan naman niya kaming dalawa ni Ewin.

Habang ang ibang classmates namin ay busy pakikipag talbugan ng kanikanilang mga costumes.

Sa pinto naman ng classroom namin ay may mga naka dungaw na taga ibang course at tuwang tuwa sa mga nakikita nila.

Ng ako naman ay tinatawag na ng kalikasan nag pasya ako pumunta sa washroom.

Ngunit hindi pa ako nakakalayo sa classroom namin ay hinablot na ako ng isang grupo ng babae at pinilit ako mag pa picture sa kanila.

“Dyusmiyo ano ba itong nangyayari sa akin…..” ang sabi ko sa sarili ko.


Erwin Joseph Fernandez


5:00pm

Nilingat lingat ko ulo ko. Wala pa din si Donnie.

Nawawala din si Kenji.

Si Jhepeth busy sa pakikipag chikahan sa classmates namin.

Nasa ganun akong pagiisip ng tumunog ang cellphone ko.

Isang txt mula kay Argel pagtingin ko.

“Hi EJ! Kamusta ka na? Miss you! Mwuah!” Laman ng mensahe niya sakin.

Halala may miss you na may MWUAH pa!

“Eto ok naman. Nagaantay na lang ng oras ng party ditto sa school. Naka costume na din.” Sagot ko.

Matapos ang ilang Segundo ay sumagot naman siya agad.

“Huh?! Naka costume ka? EJ I wanna see you. Sigurado cute na cute ka. Ano costume mo?”  txt niya.

“Opo. Cosplay party kasi dito sa department namin pa welcome sa freshmen. Prince na naka puti na maraming ruffles at blonde buhok.. Hihihihi!” reply ko.

Habang inaantay ko naman ang reply ni Argel ay may napansin ako na pumasok sa pinto na naka mask rider na costume.

“Tindi ng costume. Di kaya mainit yun? Pero maganda bagay sa katawan at tangkad niya.” Sabi ko sa sarili ko.

Ng umupo naman sa upuan ang lalaking naka costume na iyon ay lumingon ito sa akin at kinawayan ako.

Kumaway naman ako pabalik.


Tumunog ulit ang aking Cellphone.

Sumagot na si Argel.

“Sige daan ako diyan mamaya after ng class ko. Mga 9:00pm. Aral muna ako. See you later.” Txt niya sa akin.

“Sige kita kita na lang later dito.” Reply ko.

Paglingon ko naman san aka masked rider na costume ay di pa rin nito tinatangal ang helmet nito at naka upo lang ito ng straight.

“hala! Nakakahinga pa kaya iyon?” sabi ko sarili ko.

Nilapitan ko naman siya dahil sa nag tataka na ako.

“Hey ok ka lang ba?” tanong ko sa kanya habang tinatapik ko ang balikat niya.

Nag thumbs up sign lang siya sa akin at di man lang nag salita.

Napa tango na lang ako sa kanya at bumalik na sa aking upuan.

“Che, Weirdo yung nilapitan mo. Ayaw mag salita o mag tangal man lang ng helmet niya.” Bungad ni Jhepeth sa akin.

“Oo. Yaan mo na siya. Mamaya di rin makakatiis yan at mag aalis din ng helmet yan.” Balik k okay Jhepeth.

“Che, nga pala asa si Kenji kanina pa wala.” Sabi niya sa akin habang nililibot ng tingina ng buong classroom.

“Lika labas nga tayo sandali. Hanapin natin.” Aya ko kay Jhepeth.

 Paglabas namin ay tinahak namin ang papunta na washroom.

Nakasalubong naman namin si Kenji na kakalabas lang ng washroom at parang latang lata ito.

“Friend nagahasa ka?” sabi ko sa kanya.

“Hindi kakatapos ko lang mag wiwi. Nagpigil kasi ako. Yung mga babae kasi kanina pag labas ko hinaltak ako nag pa picture pa sakin.” Kwento niya sa amin habang kumukumpas pa ang kamay.

Tapos niyon ay nag desisyon na kami pabalik ng classroom na naging mahirap naman para sa amin dahil sa hinaharang at hinihila kami ng ibang mga kapwa estudyante namin para magpakuha ng litrato kasama kami.

Ng maubos ang mga humaharang at humihila sa amin ay naka balik naman kami ng maayos sa classroom.

Palingon ko sa naka masked rider costume ay di pa rin nito inaalis ang helmet niya at napailing na lang ako.



7:00pm



Nagsimula na ang party at pulos hiyawan at sayawan ang ginawa ng mga ka course ko.

Ramdam ang enjoyment sa bawat isa sa kanila.

Pero sa di ko malamang dahilan ay di ako makapag enjoy dahil may hinahanap akong isang tao.

Si Donnie.

Wala pa din siya sa party at medyo nag aalala na ako dahil sa sabi niya sa akin ay a-attend  siya.

Naka upo naman ako sa table namin mag kakaibigan ng Makita kong palapit sa akin si Jhepeth at kasama ang aming Dean.

“Che, We need your help.” Sabi ni Jhepeth.

“Mr. Fernandez, Di nakarating ang mag bibigay ng intermission number mamaya dahil sa pagkakasakit nito ng biglaan. Baka pwede ka tumugtog mamaya kahit isang piyesa lang para mamaya.” Pakiusap sa akin ng aming Dean.

 “Oo Che, please. Sinabi ko kay Dean na magaling ka tumugtog ng piano. Baka pwede mo pagbigyan naman para maisalba ang program mamaya.” Si Jhepeth.

“May magagawa pa ba ako….” Sabi ko kay jhepeth.

“Sige po Sir. Tutugtog ako. Pa ready ninyo na lang po yung gagamitin ko na instrument.” Sabi ko sa aming Dean.

“Sige ako na bahala. Salamat Mr. Fernandez.” Mukhang relieved na sabi sa aming Dean.

Tumayo naman muna ako sa kinauupuan ko at naglakad papunta sa classroom namin.

Gusto ko muna mapag isa dahil sa kinakabahan ako. First time ko na tutugtog sa harap ng aking mga kamag aral.

Dumungaw ako sa  bintana upang panoorin ang mga nagsasayawan na mga nasa ibaba.

Matapos ng ilang sandal at nag shift ang pang party na tugtog papunta sa isang love song.

Nakita ko naman na isa isang nag hanap ng partner ang mga nandoon at mula sa malayo ay kita ko si Jhepeth na hinila si Kenji mula sa buffet table para makipag sayaw dito.

Nasa ganoon naman ako ng panood ng bumukas ang pinto ng classroom namin at bumungad sa akin ang lalaking naka costume ng masked rider.

Lumapit siya sa akin at nilahad ang kamay niya. Tila ba na gusto niya makipag sayaw sa akin.

Di na ako tumangi dahil sa alam ko naman na isa lang siya sa aking mga classmates pero hindi ko nga lang alam kung sino doon.

Instrumental lang ang tugtog at masarap sa pandinig at sinayaw niya ako sa sweet na tugtog na iyon. Kung iisipin mo ay parang mag sing irog kami na nagsasayaw sa isang JS prom ang kaibahan nga lang ay naka Costume kami.

Sa di ko malamang dahilan ay ang lakas lakas ng kabog na aking dibdib pero ang sarap sa pakiramdam.

Ang saya saya rin ng pakiramdam ko habang nagsasayaw kami.

At ng matapos naman ang tugtog ay napatingin na lang ako sa kanya.

“Pwede ko ba alisin ang helmet mo?” tanong ko sa aking nakasayaw.

Tumango lang siya sa akin.

Unti Unti ko naman tinangal ang helmet niya at bumungad sa akin ang mukha ng aking kasayaw.

“Surprise!” sabi sa akin ng lalaking nasa harap ko.

“Donnie! Kala ko di ka pupunta ikaw lang pala iyan.” sabi ko habang napaakap naman ako sa kanya.

Gumanti naman siya ng akap sa akin.

Di ko alam pero parang may nagtulak sa akin nag win iyong yakapin siya.

Pero bakit siya yumakap pabalik sa akin?

Is the feeling mutual?

Nasa ganung itsura kami ng biglang may pumasok sa pinto.

“Che, ikaw na pala tutug……. tog……” Si Jhepeth na nasa pinto.

Napatingin kami sa kanya .

“Ay may nag momoment pala…..” sabi niya at bigla naman naman ito tumakbo palayo at tumitili tila kinikilig sa kanyang nakita.

“Donnie baba muna ako tutugtog ako for an intermission.” Paalam ko sa kanya.

“Sige samahan na kita pababa manunuod din ako.”  Si Donnie.

Nakababa na ako at ready na ako para sa intermission number.

Nagulat naman si Kenji na makita na si Donnie pala ang naka masked rider na costume.

Bago naman ako magsimula tumugtog ay ipakilala muna ako ng emcee at umakyat sa stage at ng tumingin naman ako sa kung nasaan sila Jhepeth, Kenji at Donnie ay kumakaway ang dalawa habang si Donnie naman ay kinindatan ako at nag dalawang thumbs up sign.

Kinilig naman ako.

Ng tinapat na sa akin ang spotlight ay sinimulan ko na lang pagtugtog. Maybe ni Yurima ang tinugtog ko.







Di ko lang basta tinugtog yoon ng walang dahilan.

Tulad ng title ng music ay nagtatanong din ako. Ano itong nararamdaman ko para kay Donnie at bakit ganoon na lang ang pakikitungo niya sa akin at bakit ang saya ko sa tuwing pinapakita niya sa akin ang ganoong mga kilos niya?.

Ng matapos naman ang aking pagtugtog ay tumayo ako at nag bow sa harap ng mga manunuod. Nagpalakpakan naman sila at may isang sumigaw pa na “Classmate ko yan!” na animoy pinagmamalaki ako.

Nagpatuloy naman ang program at sayawan.

Napatingin naman ako sa orasan ko at napansin na 9:10pm na.

Nagpaalam naman ako sa tatlo at sinabing lalabas lang ako sandal ng school grounds pero nagpumilit si Donnie na samahan ako.

Wala naman ako nagawa kundi magpasama sa kanya.

Sakto naman paglabas ko ay nakita ko agad si Argel na nasa tapat ng kotse niya nakasandal habang hinihintay ako.

Kumaway naman ako ng makita kong nakita na niya ako sa entrance.

“EJ you look like a prince talaga. Ang cute cute mo!” bungad sa akin ni Argel.

“Thank you. Pang 500+ ka na nangbola sa akin. Hehehe!” pabiro kong sagot sa kanya.

“Argel nga pala meet Donnie and Donnie meet Argel.” Pakilala ko sa kanila sa bawat isa.

“Tol! Kamusta? Friend ka ni EJ?” Tanong ni Donnie.

“Hindi, Manililigaw. Eh Ikaw kaano ano mo siya? Kaibigan din?” maangas na balik na tanong ni Argel sa kanya.

“Friend at Manliligaw din.” Sagot ni Donnie sabay akbay sa akin.

“ANOOOOO?!” Pasigaw kong nasabi pagkatapos ng marinig ko sa dalawang lalake na pinapagitnaan ako.



Itutuloy.